Pavlodarlyqtar Qala kúnin atap ótti

Dástúr boıynsha qala turǵyndary Jeńis saıabaǵyna baryp, Dańq eskertkishine gúl shoqtaryn qoıdy.

Jańbyrly aýa-raıyna qaramastan ortalyq alańda merekelik kóńil-kúı ornady. Pavlodar ákimi Baqytjan Saǵyntaev qala turǵyndaryn quttyqtaı kele, «qalamyzdyń gúldenýi úshin kóp sharalar qolǵa alyndy. Jańa úıler salynyp, júzdegen aýlalar abattandyryldy, «Balapan» baǵdarlamasynyń júzege asyrylýynyń arqasynda myńdaǵan búldirshin bala baqshaǵa baryp júr», - dep atap ótti.

Qala kúni qatarynan on alańda atalyp ótildi.

Jaǵalaýdaǵy ortalyq alańda salaýatty ómir saltyn ustanatyndar ártúrli sport túrleri boıynsha kúsh synasty.

Bıylǵy jyly merekelik kontsertke sımfonııalyq, djazdyq orekstrler, kameralyq ujymdar men folklorly ansamblder qatysty.

Keshke qala turǵyndary Qazaqstan men Reseıdiń estrada juldyzdary qatysqan «Án men kúıge bólengen, Pavlodar!» kontsertin tamashalady.