Pavlodarlyqtar Ertis sýynyń kóbiktenýine shaǵymdandy

PAVLODAR. QazAqparat - Pavlodar oblysynyń Jer qoınaýyn paıdalaný basqarmasy Ertis sýynda hımııalyq kórsetkishter boıynsha normadan aýytqýshylyq anyqtalmaǵanyn málimdedi, dep habarlaıdy «QazAqparat» HAA tilshisi.

«Áleýmettik jelilerde jarııalanǵan Ertis ózenindegi kóbikke qatysty shaǵym boıynsha Ekologııa departamentiniń zerthanasy taldaý júrgizý úshin Ertis ózene bardy. Ekologııa departamentiniń zerthanasy júrgizgen zertteý nátıjesine sáıkes hımııalyq kórsetkishterdiń aýytqýy anyqtalǵan joq», - dep habarlady Pavlodar oblysynyń Jer qoınaýyn paıdalaný basqarmasynan.

Basqarma gıdrologtarǵa silteme jasaı otyryp, kóbik sý betinde jeldiń ekpinimen paıda bolǵanyn aıtty.

«Munda eshqandaı ekologııalyq problema joq», - dep atap ótti Pavlodar oblysy Jer qoınaýyn paıdalaný basqarmasynyń baspasóz qyzmetinen.