Pavlodarlyqtar avtobýstarda elektrondyq tólem engizilgeninen habarsyz bolyp shyqty
Avtobýs parkiniń basshysy Vadım Kovalchýktyń aıtýynsha, elektrondyq bılet júıesiniń iske qosylǵanyna eki juma ýaqyt ótken. Alaıda, turǵyndar men qoǵamdyq kólik qyzmetkerleri atalmysh júıege qyzyǵýshylyq tanytpaýda.
«Bizde elektrondyq bılet eldiń basty qalalarynda sııaqty ózekti máselege aınalǵan joq. Biraq qazirgi kúni barlyq avtopark kólikteri atalmysh júıe arqyly jumys isteıdi. Osyǵan oraı, óz kásiporynymyzǵa 100 valıdator qurylǵysy satyp alyndy. Sapar kezinde bank kartasyn mobıldi valıdatorǵa qosý kerek. Jabdyq buzylǵan nemese isten shyqqan jaǵdaıda avtoparkte rezervtik qor qarastyrylǵan. Mobıldik valıdatorlar baǵdarlamasynda jolaýshylardyń barlyq sanattary qamtamasyz etilgen», - deıdi Vadım Kovalchýk.
Oǵan qosa, qalalyq máslıhat depýtattary Záýresh Muqasheva jáne Qoblanbek Qojın halyq kóp jınalatyn aıaldamalardyń birinde № 21 qoǵamdyq kólikke otyryp, tekseris júrgizgen.
Tekserý barysynda atalǵan kóliktiń kondýktory valıdator qurylǵysyn úıde tastap ketkeni anyqtaldy. Sondaı-aq ol elektrondyq bılet júıesimen jumys isteýge ýaqyty joqtyǵyn aıtqan. Al, jolaýshylardyń kóbi elektrondyq bılet júıesiniń qosylǵany týraly habarsyz.
«Aldaǵy ýaqytta osyndaı oqıǵalardyń qaıtalanbaýy jáne bıletteýdiń elektrondyq júıesiniń tabysty jumys isteýi úshin elordadaǵydaı saralanǵan tarıf kerek. ıAǵnı, tarıftiń naqty kóterilýi bolmaıdy, tek jolaýshy jolaqysyn tóleý tásilin ózi tańdaıdy. Qolma-qol tólengen jaǵdaıda 150-160 teńge nemese kartamen tólese 80 teńge shyǵady», - dedi avtopark basshysy.
Eske sala keteıik, «Tsıfrlyq Qazaqstan» memlekettik baǵdarlamasyn iske asyrý aıasynda 2019 jyldyń 25 jeltoqsanynan bastap, Pavlodar qalasy «№ 1 avtobýs parki» JShS-nyń qoǵamdyq kólikteriniń barlyq baǵyttarynda elektrondyq bılet júıesi iske qosylǵan bolatyn. Bul jańashyldyq kún saıyn qalanyń marshrýttyq jelisinde júretin úlken sanatty 10, 21, 22, 38, 40, 41, 42, 44 jáne 66-qoǵamdyq kólikterde bar.