Pavlodarlyqtar avtobýs qozǵalysyn smartfon arqyly baqylaı alady
PAVLODAR. QazAqparat - Pavlodarda avtobýstardyń qozǵalysyn onlaın rejımde baqylaýǵa múmkindik beretin go2.bus-pvl.kz saıtynyń tanystyrylymy ótti, dep habarlaıdy QazAqparat.
Ákimdiktiń málim etkenindeı, atalmysh saıtty jolaýshylar úshin «RAS» kompanııasy jasap shyqty jáne oǵan bıýdjettik qarajat múldem jumsalmaǵan. Bul saıtqa kez kelgen kompıýterden, noýtbýktan nemese smartfonnan kirýge bolady.
Jolaýshylar osylaısha qoǵamdyq avtobýstardyń kele jatqan jerin sol sátte kóre alady jáne ózderiniń saparlaryn josparlaı alady. Bul birinishiden, Pavlodar mańynda turatyn aýyl turǵyndaryna yńǵaıly.
Sonymen qatar osy resýrs arqyly azamattar qoǵamdyq kólik jumysyna qatysty kez kelgen saýalmen ákimdik qyzmetterine jáne jolaýshylar tasymalymen aınalysatyn kompanııalarmen habarlasa alady. Jergilikti atqarýshy organdar men tasymaldaýshylar saıt arqyly qalalyq qoǵamdyq kólikterdiń jumysyn baqylap, kerek kezde úılestire alady.
Qazir saıt arqyly 21 qalalyq marshrýtty baqylaýǵa múmkindik jasalǵan. Barlyq 21 marshrýt boıynsha qatynaıtyn avtobýstarǵa GPS-monıtorıng júrgizetin avtomattandyrylǵan júıe ornatyldy. 2017 jyldyń sáýir aıynan bastap, synaq retinde qoǵamdyq kóliktiń qosymsha 14 marshrýtyna ornatý josparlanǵan.
