Pavlodarlyqtar Astanaǵa 760 tonna ónim ákeledi
ASTANA. QazAqparat - Pavlodar oblysynda aýyl sharýashylyǵynyń 100-den astam kásiporny Astanadaǵy aýyl sharýashylyǵy jármeńkesine qatysady. Ol 24-25 qyrkúıekte «Han Shatyr» saýda-kóńil kóterý ortalyǵynyń saıabaq alańynda ótedi.
Astanaǵa jiberilgen jármeńke kerýenimen óńirde óndirilgen 90 tonnadan astam et, et ónimderi, 300 tonna kartop, 140 tonna kókónis, 150 tonnadan astam aýyl sharýashylyǵy ónimderi jetkiziledi.
«Pavlodar oblysynyń taýar óndirýshileri astanalyqtar úshin barlyǵy 760 tonna ónim ázirledi, - dedi aýyl sharýashylyǵy ónimderin daıyndaý jáne qaıta óńdeý bóliminiń basshysy Tatıana Nagýla. - elordalyqtarǵa ónim unaıdy degen senimdemiz».
Sondaı-aq «Qazaq taǵamdary» ulttyq mázir ónimderi, Pavlodarlyq Ertistiń halyq shyǵarmashylyǵy men qol óneri buıymdary ákelinedi.
Pavlodar oblystyq fılormonııa ujymy kontserttik baǵdarlama uıymdastyrady. Túrli sport túri boıynsha jarystar ótip, qatysýshylardy kótermeleýge júlde qory qarastyrylǵan.
