Pavlodarlyqtar Aqtóbedegi sý tasqynynan zardap shekkenderge kómek jınaýda
Bul týraly Estaı atyndaǵy mádenıet saraıy dırektorynyń orynbasary Zamıra Soltan málim etti, dep habarlaıdy pavlodarnews.kz.
«Otandastarymyz aýyr halge tap bolǵanda bir jeńnen qol shyǵaryp, jaqsylyq jasaý azamattyq boryshymyz dep bilemiz. Kómek jınaý týraly keshe keshke áleýmettik jelilerde habarlama taratqan bolatynbyz. Qazirgi ýaqytqa deıin júzdegen adam qońyraý shalyp, kómektesýge nıetti ekenderin aıtty. Olardyń ishinde meshitter, aýyldyq jerlerdegi sharýa qojalyqtary, beldi kásipkerler de bar. Negizinen buzylmaıtyn azyq-túlik, kıim-keshek, turmystyq zattar men aqshalaı kómek qabyldanady. Múmkin bolǵan jaǵdaıda kómekti aqshalaı berýdi kózdep otyrmyz. Sebebi aqtóbelikter bul qarajatqa ózderine kerekti qurylys materıaldaryn nemese basqa da qajettilikterin satyp ala alady», - dedi Zamıra Soltan.
Aıta keteıik, kómek bir apta boıy Estaı atyndaǵy MS-da qabyldanady. Jýyq arada kómektiń alǵashqy legi Aqtóbege jiberiledi.