Pavlodarlyqtar 1 jeltoqsanda qoǵamdyq kólikterde tegin júredi
PAVLODAR. QazAqparat - Pavlodar qalasynda Tuńǵysh Prezıdent kúni jáne Táýelsizdik kúni aýqymdy merekelik baǵdarlama josparlanyp otyr, dep habarlaıdy pavlodarnews.kz.
Bul týraly qalalyq ákimdikte aıtty. Halyqtyq mereke men jármeńke 30-qarashada bastalady.
«1 jeltoqsanda barlyq azamattar úshin qoǵamdyq kólikterde júrý tegin bolady. Budan bólek, bul kúni «Saryarqa» shaǵyn aýdanynda eki turǵyn úıdegi páterlerdiń kiltteri tabystalady», - delingen habarlamada.
Tuńǵysh Prezıdent kúni kınoteatrlar men saýda oryndarynda jeńildikter qarastyrylǵan. Alańdarda buqaralyq jáne sporttyq sharalar uıymdastyrylady.
Táýelsizdik kúnine oraı jańa shaǵyn aýdanda turǵyndar qonys toıyn atap ótedi.
