Pavlodarlyq zııalylar Sharbaqty aýdanyndaǵy Haziret Ǵabdyl-Ýahıt kesenesine bardy
ASTANA. QazAqparat - Elbasynyń «Bolashaqqa baǵdar: rýhanı jańǵyrý» maqalasyn iske asyrý boıynsha jumystardy jandandyrý maqsatynda Pavlodar oblysynyń kıeli jerlerine barýdyń «Qasıetti jerlerge saıahat» aýqymdy aktsııasy sheńberinde oblystyq tilderdi damytý jónindegi basqarmasy qazirgi zamanǵy kýlttik mańyzy bar nysan bolyp tabylatyn Haziret Ǵabdyl-Ýahıt kesenesine zııaly qaýym ókilderimen barýdy uıymdastyrdy, dep habarlaıdy pavlodarnews.kz.
Bul týraly Pavlodar oblysynyń tilderdi damytý jónindegi basqarmasy habarlady.
Haziret Ǵabdyl-Ýahıt kesenesi - haziretterdiń biri jerlengen Qazaqstandaǵy qasıetti jerlerdiń biri bolyp tabylady. Onyń ereksheligi «haziret» ataǵy Buhara qalasyndaǵy «Mir Arab» medresesinde myńdaǵan shákirtterdiń arasynda bir ǵana adamǵa taǵaıyndalady. Kesene Sharbaqty aýdanynyń «Ertis ormany» memlekettik tabıǵı ormanynyń aımaǵynda ornalasqan.
Haziret Ǵabdyl-Ýahıt qasıetti adam boldy. Syrqat adamdardy emdeıtin, bolashaqty boljaıtyn, muqtajdarǵa qolynan kelgen járdemin bergen, osy qasıetteri úshin úlken qurmetke ıe bolǵan.
«Qazaqstannyń kıeli jerleriniń geografııasy» jobasy sheńberinde qyrkúıek aıy bizdiń aımaq úshin qasıetti oryndarǵa barý aılyǵy bolyp jarııalandy. Basqarmanyń bastamasy boıynsha zııaly tulǵalar úshin oblys turǵyndaryna Ertis óńiriniń kıeli jerler kartasyna engizilgen nysandar usynyldy. 15 zııaly qaýym ókilinen turatyn - Qazaqstan jazýshylary Odaǵy Pavlodar fılıalynyń tóraǵasy A.B. Qanı, «Nur Ana álemi» QB tóraıymy B.Sh. Maksılova, Halyqaralyq «Qazaq tili» qoǵamy Pavlodar oblystyq fılıaly tóraǵasynyń orynbasary Q.Q. Shaıahmetov, qalalyq, aýdandyq «Qazaq tili» qoǵamynyń músheleri jáne qoǵam qaıratkerleri atalǵan aktsııany qoldap, Sharbaqty aýdanynyń qasıetti jerin kórip keldi», - deıdi basqarma mamandary.
