Pavlodarlyq jetkinshek mektepterge bomba qoıylǵany týraly jalǵan aqparat taratqan
Pavlodar oblysy boıynsha polıtsııa departamenti men UQKD birlesken is-sharalar barysynda bilim berý uıymdaryna qoıylǵan bomba týraly jalǵan habarlamalar taratty degen kúdikke ilingen kámeletke tolmaǵan azamatty anyqtady. Kúdikti Pavlodar qalasy mektepteriniń birinde oqıtyn 14 jastaǵy oqýshy bolyp shyqty.
«Oqýshy 2023 jyldyń aqpan-sáýir aılary aralyǵynda jańa telefon nómirleri arqyly akkaýnttar qurǵany belgili boldy, ol arqyly terrorızm aktisi týraly jalǵan habarlamalardy bilim berý obektileriniń elektrondyq poshtasyna joldaǵan. Sodan keıin akkaýnttardy joıyp otyrǵan. Osy fakti boıynsha Qazaqstan Respýblıkasy QK-niń 273-baby boıynsha sotqa deıingi tergeý júrgizilýde. Kámeletke tolmaǵan zańdy ókilderdiń kepilgerligine berildi», – dep habarlady Pavlodar oblysy PD bastyǵynyń orynbasary Bolat Nurseıitov.
Polıtseıler terrorızm aktisi týraly kórineý jalǵan habarlaǵany úshin Qazaqstan Respýblıkasy QK-niń 273-baby boıynsha qylmystyq jaýaptylyq kózdelgenin jáne 5000 AEK-ke deıingi mólsherde aıyppul salýǵa, ne sol mólsherde túzeý jumystaryna, ne 5 jylǵa deıingi merzimge bas bostandyǵyn shekteýge, ne sol merzimge bas bostandyǵynan aıyrýǵa jazalanatynyn eske salady.
