Pavlodarlyq jastar loft-alańyn ashty
ASTANA. QazAqparat - Pavlodarda jastardyń bastamalaryn damytý ortalyǵy (JBDO) aýmaǵynda «Jastar Entertainment» baǵdarlamasy aıasynda jastar jumys jasap jáne demala alatyn jazǵy loft-alańnyń ashylýy ótti, dep habarlaıdy pavlodarnews.kz.
Loft-alań erkin áńgimelesýge, kompıýtermen jumys jasaýǵa, kitap oqýǵa jáne demalýǵa múmkindik beredi. Jas ári talantty adamdar ózderin izdep júredi. Men olardyń ózderin shyǵarmashylyqta, ónerde, tehnıka salasynda, jeke startap-jobalarda taba alatynyna senimdimin. Meniń oıymsha, áınektiń arǵy jaǵyndaǵy jazǵy kabınette óte ystyq jáne qyzyqsyz. Al, taza aýada Pavlodardy qalaı jaqsartý kerektigi jóninde oılar kelýi múmkin»,-dedi alańnyń ashylýyna qatysqan oblys ákiminiń orynbasary Meıram Begentaev.
Loft-alańnyń janyna jastar Oraza aıtynyń qurmetine dám tattyrý úshin kıiz úı tikken.
«Jastar Entertainment» baǵdarlamasy aıasynda bizde alańmen qatar kıiz tigildi. Gagarın saıabaǵynda kishigirim etnoaýyl bar. Biz de sharalarymyzdyń zamanaýı túrde ótpeı, qazaqtyń ulttyq dástúrlerine arnalǵanyn jón kórdik. Jaz boıy kıiz úıde oıyndar, dombyra-patı syndy túrli sharalar ótkiziletin bolady. Mysaly, búgin biz barlyq nıet bildirýshilerdi ulttyq dámderimizden aýyz tııýge shaqyramyz»,-dedi - dedi JBDO «Art» ortalyǵynyń jetekshisi Ásııa Muqasheva.
«Jastar Entertainment» uıymdastyrýshylarynyń aıtýynsha, endigide jastar úshin alańda sheberlik saǵattaryn, sabaqtar, tipti trenıngtar ótkizýdiń múmkindigi týyp tur.
Alańnyń ashylý saltanatynda jas kóńildi tapqyrlar, bıtbokserler, mýzykanttar, bıshiler óner kórsetip, kórermenderdi ázil shoýlarymen qýantty.
