Pavlodarlyq jasóspirim hokkeı matchynda aıdynǵa báteńkesin laqtyryp jiberdi
PAVLODAR. QazAqparat –16 jastaǵy pavlodarlyq shaıbaly hokkeıden «Ertis» pen «Astana» klýbtary arasynda ótip jatqan match kezinde aıdynǵa báteńkesin laqtyryp jiberdi. Ata-anasy jaýapqa tartyldy. QazAqparat bul týraly Pavlodar oblystyq Polıtsııa departamentiniń baspasóz qyzmetine silteme jasap habarlaıdy.
Málimetke sáıkes, jetkinshek jasaǵan áreketi úshin QR Ákimshilik kodeksiniń 434-baby (usaq buzaqylyq) boıynsha ákimshilik jaýapqa tartyldy. Endi ata-anasy 5 AEK kóleminde aıyppul tóleýi tıis.
Budan bólek, aıdyn ıeleri - «Ertis» hokkeı klýby da qomaqty aıyppul tóledi. «Trıbýnalardaǵy tártiptiń saqtalýyna durys baqylaý júrgizilmegeni úshin atap aıtqanda, muz aıdynyna bógde zattardyń laqtyrylýyna baılanysty «Ertis» hokkeı klýbyna 350 myń teńge kóleminde aıyppul salyndy», - delingen aqparatta.
Polıtseıler jyl basynan beri ártúrli prankter úshin 2 azamatty ákimshilik jaýapqa tartqan.
