Pavlodarlyq jas sýretshilerdiń eńbekteri Ýkraına markalarynda shyqty
PAVLODAR. QazAqparat - Ýkraına poshtasy «Dostyq markasy» halyqaralyq sýretter baıqaýynyń jeńimpazdarynyń jumystarymen kórkem poshchta markalaryn shyǵardy, onyń ishinde pavlodarlyq jas sýretshilerdiń sýretteri de bar, dep habarlady «QazAqparat» HAA tilshisi.
Baıqaý Ýkraınadaǵy Herson qalasynda ótti. Oǵan álemniń 15 elinen úsh myńǵa jýyq bala qatysty. Bilim berý basqarmasy bóliminiń bas mamany Baljan Ádilhanovanyń aıtýynsha, Pavlodar №2 kórkemóner mektebiniń balalary baıqaýǵa 35 sýret salyp jibergen. Sýretter gýash, akvarel, flomaster jáne aralas tehnıka qoldanylyp salynǵan. Bul Qazaqstannyń peızajdary, natıýrmorttar, merekeler, qazaq halqynyń dástúrleri, ertegi sıýjetteri.
Halyqaralyq ádil qazylar baıqaýda 156 laýreatty iriktedi, olardyń ishinde Pavlodar qalasy №2 kórkemóner mektebiniń úsh oqýshysy bar. Olar 8 jasar Ábilhan Ábilqasymov, 13 jastaǵy Zarına Ábdirahmanova, 14 jastaǵy Danııl ıÝmınov. Olardyń sýretteri Ýkraınanyń poshta markalaryna ornalastyryldy.
