Pavlodarlyq jas qyz taekvondodan «Boets Azıı» dodasynyń eki dúrkin chempıony atandy
ASTANA. QazAqparat - Pavlodarlyq sportshy qyz Balnur Orkenova halyqaralyq «Boets Azıı» dodasynda chempıon atandy, dep habarlaıdy pavlodarnews.kz .
Aqtóbe qalasynda ótken baıraqty básekege Qazaqstannyń 12 qalasynan jáne Qyrǵyzstan, Ózbekstan, Reseı men Tatarstan memleketterinen 1 500-den asa sportshy qatysty. 28-keli salmaqqa deıin el namysyn qorǵaǵan Balnur massogı túri boıynsha taekvondo chempıony atandy.
Aıta keteıik, bul jarysta byltyr da jas qyz jeńimpaz atanǵan bolatyn. Sondaı-aq, massogı túri boıynsha Ivan Serbýl jáne Darhan Moldashev altynnan alqa taǵyndy. Al, Artem Stepanov, Almaz Saǵyndyqov pen Nurasyl Musabekov heng boıynsha 1-oryn ıelendi. Pavlodar oblysynyń 40 sportshysyn Álemdik taekvondo federatsııasynyń bas tóreshisi ári bapker Qalen Sultanǵazın bastap bardy.
Atalmysh jarys erteń 22 naýryzǵa deıin jalǵasady.
