Pavlodarlyq jas boksshylarǵa 3,3 mıllıon teńgege sporttyq qural-jabdyqtar alyndy
ASTANA. QazAqparat - Pavlodarda №5 balalar jasóspirimder sport mektebiniń jas boksshylaryna jattyǵý úshin qalalyq bılik tarapynan 3,3 mıllıon teńgege qural-jabdyqtar satyp alyndy, dep habarlaıdy pavlodarnews.kz.
Bylǵarydan jasalǵan jańa 20 qap, bokserlik jáne kıkbokserlik shlemder, jáne 30 jup qolǵap pen soqqylar jasaý úshin jattyǵý quraldary qala bıýdjeti esebinen satyp alynǵan.
«Osyndaı kólemde sporttyq quraldar alty-jeti jyl buryn alynǵan bolatyn», - deıdi qalalyq dene shynyqtyrý jáne sport bóliminiń basshysy Aıbek Qabıev.
«Bıyl biz barlyq balalar men jasóspirimder sport mektepterin (BJSM) qamtydyq. Shahar basshysy trıatlon, dzıýdo, hokkeı formasy men balýandarǵa arnalǵan kilemge qarjy bóldi»
Kıkboksıngten álem chempıony Nursultan Hasanovtyń aıtýynsha, sheberlik sabaqtaryn ótkizý óskeleń urpaqqa mol tájirıbe berýge yqpalyn tıgizedi. Búgingi tańda BJSM qabyrǵasynda 700-deı bala tórt sport túri boıynsha jattyǵady. Olarmen 18, onyń ishinde segizi joǵary sanatty jattyqtyrýshy jumys jasaıdy.
