Pavlodarlyq jalǵa alǵan páterin tonap ketken
ASTANA. QazAqparat - Pavlodar qalasynda er adam jalǵa alǵan páterdi typ-tıpyl tonap ketken. Alaıda tártip saqshylary uryny birden qolǵa túsirdi, dep habarlaıdy QazAqparat Pavlodar oblystyq ІІD-ne silteme jasap.
Anyqtalǵandaı, Pavlodar qalasynyń turǵyny er adamǵa úsh táýlikke páterdi jalǵa bergen.
«Birneshe kún ótken soń óz úıine qaıtyp kelgen páter ıesi tońazytqysh, shańsorǵysh, jylytqysh, sháınek sekildi turmystyq tehnıkalardyń joqtyǵyn anyqtaǵan. Áıel adam birden polıtsııaǵa habarlaǵan», - delingen Pavlodar oblystyq ІІD-niń VKontakte áleýmettik jelisindegi habarlamada.
Ury alysqa uzamapty. Polıtseıler qylmystyń izin sýytpaı 38 jastaǵy oblys ortalyǵynyń turǵynyn anyqtap, qolǵa túsirgen. Ol jaldamaly páterde bir kún turyp, barlyq turmystyq tehnıkalardy urlap áketip, satyp jibergen.
Atalǵan fakt boıynsha QR QK 188-babyna sáıkes (urlyq) sotqa deıingi tergeý amaldary júrgizilýde.
