Pavlodarlyq zeınetker respýblıkalyq «Abaı ánderi» onlaın-baıqaýynyń júldegeri atandy
Sharany uıymdastyrýshy - Abaı atyndaǵy Qazaq memlekettik akademııalyq opera jáne balet teatry.
- Onlaın-baıqaýdyń maqsaty - uly Abaıdyń shyǵarmalary arqyly qazaqtyń ulttyq mádenıetine degen qyzyǵýshylyqty qalyptastyrý, kórermender aýdıtorııasynyń mádenı jáne rýhanı deńgeıin arttyrý úshin ártúrli ult ókilderin qazaq án shyǵarmashylyǵyna tartý, óziniń oryndaýshylyq sheberligin keń aýdıtorııaǵa kórsetýge múmkindik berý, - deıdi oblystyq mádenıet, tilderdi damytý jáne arhıv isi basqarmasynyń bas mamany Dáýlet Temirbolat.
Balken Ybraeva bilim berý salasynda 20 jyldan astam eńbek etken ustaz.
- Karantın kezinde áleýmettik jeliler arqyly baıqaýdyń ótetini týraly habarlamany oqydym. Sosyn baıqaýǵa qatysyp, óz múmkindigimdi synap kórdim. Úsh kezeńnen de súrinbeı ótip, júldeli orynǵa ıe bolǵanyma qýanyshtymyn. Abaıdyń «Kózimniń qarasy» ánin fortepıanonyń súıemeldeýimen oryndadym, - deıdi Balken Ybyraeva.
Aıta keteıik, Memleket basshysy Qasym-Jomart Toqaevtyń Jarlyǵyna sáıkes 2020 jyly qazaq halqynyń bas aqyny Abaıdyń 175 jyldyq mereıtoıy respýblıkamyz boıynsha keńinen atalyp ótilýde.