Pavlodarlyq zeınetker qaryzyn ótemegeni úshin astanalyq fırmanyń kóligin aıdap ketken
PAVLODAR. QazAqparat – Pavlodarlyq polıtsııa kólikti aıdap áketý isi boıynsha sotqa deıingi tergeý amaldaryn júrgizip jatyr, dep habarlaıdy «QazAqparat» HAA tilshisi.
«15 qazan kúni zeınetker, Sharbaqty aýdany aýyldarynyń biriniń turǵyny elordalyq fırmaǵa tıesili «GAZel» markaly avtokóligin aıdap áketken. Aýyldasynyń aıtýynsha, fırma onyń qyzynyń úıin jalǵa alyp, aqshasyn tólemeı qoıǵan, sondyqtan tolyq tólep bitpegenge deıin kólikti alyp ketken», - dedi Pavlodar oblysy polıtsııa departamentiniń baspasóz qyzmeti.
Nur-Sultandaǵy fırma ókilderi qaryzdy joqqa shyǵarady. Olar páter aqysy ýaqytymen tólengenin jáne ony sáıkes qujattarmen dáleldeıtinin atap ótti.
«Ras, ótirigin polıtsııa anyqtaıtyn bolady. Atalmysh derek boıynsha QR QK 200-shi babyna («Aıdap áketý») sáıkes sotqa deıingi tergeý júrgizilip jatyr. Tergeý barysynda bolǵan oqıǵanyń mán-jaıy men sebepteri anyqtalatyn bolady», - dep málim etti polıtsııada.
Avtor: Anton Gagarın
