Pavlodarlyq zeınetker alaıaqqa aldanyp qaldy
PAVLODAR. QazAqparat - Pavlodar oblysy Ekibastuz qalasynyń 60 jastaǵy turǵyny jekemenshik kompanııalardyń birine 300 myń teńge qarajat salyp, alaıaqqa aldanyp qaldy, dep habarlaıdy «QazAqparat» HAA tilshisi.
Ekibastuz ІІB-ǵa 60 jastaǵy zeınetker shaǵym túsirdi. Ol 2016 jyldyń sońynda ózine jaqsy tanys deldal arqyly tabys tabý maqsatynda jekemenshik kompanııalardyń birine kirgen. Zeınetker depozıtinen 300 myń teńgeden asatyn qarajatyn álgi kompanııanyń shotyna aýdarǵan.
Kelisim boıynsha zeınetkerdiń arnaıy ashylǵan shotyna 2017 jyldyń qańtarynan bastap kompanııa tarapynan aı saıyn 190 eýro túsýi tıis bolǵan. Alaıda esepshotqa aqsha túspegen.
Polıtsııa alaıaqtyq faktisi boıynsha tergeý júrgizýde.
