Pavlodarlyq zaǵıptar jańa ónim shyǵaratyn tseh ashty
ASTANA. QazAqparat - Qazaq zaǵıptar qoǵamynyń Pavlodar oblystyq fılıaly janynda jańa qondyrǵylarmen jabdyqtalǵan tseh jumysyn bastady, dep habarlaıdy pavlodarnews.kz.
Zaǵıptar qoǵamynyń bas ınjeneri Oraz Baıǵojınniń aıtýyna qaraǵanda, óndiris orny buǵan deıin de jumys istegen. Tek bıyldan bastap qoǵam músheleri tsehte jańa ónim shyǵarýǵa bel býǵan.
- Ol úshin ózimizde bar ekstrýderdi reseılik mamandardyń kómegimen modernızatsııaladyq, - deıdi Oraz Baıǵojın. - Sonyń arqasynda jıhazdyq jıek (kant) shyǵarýǵa múmkindik aldyq. Ol jıhaz jasaý óndirisinde keńinen qoldanylady. Oǵan deıin tsehte shyǵarylǵan PVH qubyrlarǵa degen suranystyń azaıýy sebebi osyndaı sheshim shyǵardyq.
Sonymen birge, tsehte termoplastavtomat qondyrǵysy ornatyldy. Ol ártúrli plastıkalyq buıymdardy shyǵarýǵa arnalǵan. Onyń kómegimen ónim shyǵarý aldaǵy ýaqyttyń enshisinde. Zaǵıptar qoǵamy barlyq modernızatsııalyq jumystardy óz qarajatyna ótkizgenin aıta ketken jón.
Oraz Baıǵojınniń aıtýynsha, kásiporyn budan bólek arnaıy tapsyrys boıynsha Alıýmınıı zaýytyna fıltrler shyǵarýmen aınalysady. Ol fıltrler zaýyttyń tazalaý qondyrǵylarynda paıdalanylady. Sonymen birge, Zaǵıptar qoǵamynyń jumyskerleri tósek-oryndar da shyǵarýǵa múmkindigi bar. Jeke tapsyrystar da oryndalady.
Kásiporynda 87 adam eńbek etedi. Olardyń jartysynan kóbi kórý kórý qabileti buzylǵan azamattar.
Foto: Zaǵıptar qoǵamy
