Pavlodarlyq ustaz mobıldi qosymshalardy əzirleýdiń qazaqsha nusqasyn oılap tapty
ASTANA. QazAqparat - Pavlodarda № 19 jalpy orta bilim beretin mekteptiń ınformatıka páni muǵalimi Almas Serikbaev balalarǵa təjirıbelik jumystardy oryndaýdy jeńildetin mobıldik qosymshanyń qazaq tilindegi nusqasyn qurastyryp shyqty, dep habarlaıdy pavlodarnews.kz.
«Bul joba uıaly telefondar arqyly 3 D formatynda túrli logıkalyq tapsyrmalar men jattyǵýlardy oryndaýǵa múmkindik beredi. Android-Delphi XE 5 baǵdarlamasy arqyly oqýshylar sýretter men sandardy qoıǵannan keıin telefondarynda ornatady. Androıd tórtten joǵary bolýy kerek. Sondaı-aq, túrli annımatsııalardy qurastyryp, pishinderdiń gradýstary men buryshtaryn tabýǵa bolady. Búginde uıaly telefondarda 10 shaqty jumys jasaldy. Fızıka, matematıka, ınformatıka jáne basqa da pánder boıynsha qoldanýǵa bolady», - deıdi Almas Serikbaev. Ustazdyń aıtýynsha, mobıldi qosymsha ustazdarǵa kórneki quraldardy 3 D formatynda kórsete otyryp, oqýshynyń sabaqqa degen qyzyǵýshylyǵyn oıatady. Budan basqa, ol oqýshylarymen birge júk tasymaldaıtyn robot qurastyrǵan.
Aıta keterligi, Almas Serikbaev jas baǵdarlama jasaýshylar men derbes kompıýter paıdalanýshylarynyń V respýblıkalyq «Altyn dısk» baıqaýynda «Jańashyl ustaz» atalymyn jeńip alǵan. Sondaı-aq ol «Daryndy balalarǵa - talantty ustaz» halyqaralyq baıqaýynyń úshinshi oryn ıegeri, respýblıkalyq «Úzdik avtorlyq baǵdarlama» baıqaýynyń jeńimpazy.
