Pavlodarlyq «tyńshylyq» avtoqalamyn paıdalanǵany úshin ustaldy
PAVLODAR. QazAqparat - Pavlodarlyq aýdıo jáne vıdeojazba qyzmetin iske asyratyn avtoqalam satyp alǵany, saqtaǵany úshin qylmystyq jaýapkershilikke tartyldy, dep habarlady «QazAqparat» HAA tilshisi.
Pavlodarlyq polıtseıler 35 jastaǵy er adamǵa qatysty QK 399-baby 1-bóligi boıynsha tergeý júrgizýde. Polıtsııa aýdıo, vıdeoqurylǵy ornatylǵan avtoqalamdy tárkiledi.
Er adamnyń aıtýynsha, avtoqalamdy oǵan syıǵa tartqan. Mamannyń qorytyndysyna sáıkes qalam jasyryn foto-vıdeo túsirýge arnalǵan. Arnaıy tehnıkalyq quralǵa jatady. Avtoqalamnyń jady kartasynda on vıdeofaıl bar. Mundaı qurylǵyny Pavlodar oblysy ІІD aqparatyna sáıkes bildirmeı aqparat alý, jazyp alý úshin paıdalanýy múmkin.
Mundaı qurylǵylardyń aınalymy QR zańnamasynda qatań reglamenttelgen jáne lıtsenzııalaýǵa jatady. Taıaý ýaqytta qylmystyq is sotqa jiberiledi.
