Pavlodarlyq «Tramvaı basqarmasy» AQ almatylyq vagondardan bas tartty
ASTANA. QazAqparat - Pavlodarda qalalyq «Tramvaı basqarmasy» Almaty qalasynyń tramvaılaryn qabyldaýdan bas artty.
Vedomstvonyń baspasóz qyzmeti usynǵan aqparatqa súıensek, ońtústik qazaqstandyq vagondar tehnıkalyq turǵyda pavlodarlyq relsterge saı kelmeıdi, dep habarlaıdy pavlodarnews.kz .
Olardyń qural-saımandary da basqasha qurylǵan. Sondyqtan usynys kóp talqylanbastan keri qaıtaryldy. Eýropalyq qaıta qurý jáne damý banki ózara áreket etý jáne úılestirý bóliminiń basshysy Vıtalıı Sırıktiń aıtýynsha, jyl sońyna deıin Pavlodarǵa belarýstyq 20jańa tramvaı keledi. - Jańa tramvaılardy alý úshin konkýrs 2016 jyldyń 14 qazanynda jarııalandy, jobanyń jalpy quny - 2 mıllıard 730 mıllıon teńge, - deıdi Vıtalıı Sırık. «Konkýrs qortyndysy boıynsha «Kazakhstan tram consortium Ltd» kompanııasy jeńimpaz atanyp, «Belkommýnmash» AAQ arasynda kelisimge qol qoıyldy. Jyl sońyna deıin 20 tramvaı jetkiziledi, biraq olardyń barlyǵy birden jolǵa shyqpaıdy. Birte-birte shyǵaratyn bolamyz».
