Pavlodarlyq toǵyzqumalaqshylar Qazaqstan chempıonatynda qatarynan úshinshi ret jeńimpaz atandy
ALMATY. Qyrkúıektiń 30-y. QazAqparat /Erlik Erjanuly/ - Keshe Aqtaý qalasynda toǵyzqumalaqtan erler men áıelder arasynda birneshe kúnge sozylǵan komandalyq el chempıonaty óz máresine jetti.
„Qyrkúıektiń 22-si kúni bastalǵan bul jarysqa bıyl 11 komanda qatysqan bolatyn. Oǵan joǵary dárejedegi ulttyq tóreshi Ornybasar Júnis bastaǵan qazylar alqasy tórelik jasady", deıdi memlekettik tóreshi Maqsat Shotaev. Onyń aıtýynsha, asa tartysty ótken bul saıysta Pavlodar oblysynyń komandasy osymen úshinshi ret qatarynan Qazaqstan chempıony atandy. Al 2-3-shi oryndardy Aqtóbe men Qyzylorda oblysynyń komandalary ıelendi. Pavlodar oblysyn namysyn bul jarysta S.Aqtaev, N.Rızýanov jáne D. Kenına, A. Adamjanova men R. Raıymbekova qorǵady. Byltyr bul dúbirli doda sáýirdiń 19-26-sy kúnderi Aqtóbe qalasynda ótken bolatyn. Onda 1-3-shi oryndy Pavlodar jáne Qyzylorda oblystary men Astana qalasynyń komandasy ózara bólisken edi.
