Pavlodarlyq tatarlar 29-ret Sabantoı ulttyq meıramyn atap ótti
ASTANA. QazAqparat - Pavlodarda qalalyq saıabaqta tatarlar 29-ret ózderiniń ulttyq meıramy -Sabantoıdy toılady. Pavlodardaǵy merekege arnaıy shaqyrtylǵan qonaqtardyń biri bolyp Tatarstan Respýblıkasynyń halyq ártisi Rýstam Malıkov keldi, dep habarlaıdy pavlodarnews.kz .
Bul kúni qalalyq saıabaqta tatarlardyń ulttyq ánderi shyrqalyp, sheberlerdiń jármeńkesi men túrli sport túrlerinen jarystar ótkizildi. Sonymen qatar, qonaqtar «Baıan-battle» sharasyn tamashalady, munda baıan aspabynda oınaıtyn mýzykanttar óner kórsetti. - Búgin keremet mereke ótip jatyr, - dedi Rýstam Malıkov. «Sabantoı álemniń 27 memleketinde toılanady, jyl saıyn men ár túrli elderdi aralap, tatarlardy meıramymen quttyqtaımyn. Bıyl Pavlodarǵa kelgenime qýanyshtymyn. Aıta keterligi, qazirgi zamannyń tatarlary ulttyq toıymyzdyń barlyq dástúrlerin saqtaǵan, bul shynymen de bizdiń ulttyq merekemiz».
