Pavlodarlyq tasymaldaýshylar jol aqysyn kóterýdi usyndy
ASTANA. QazAqparat - Pavlodarda jergilikti tasymaldaýshylar jol aqysyn 90 teńgege deıin kóterý týraly qalalyq máslıhat depýtattaryna usynys bildirdi, dep habarlaıdy pavlodarnews.kz.
Qalalyq kásipkerlik jáne aýyl sharýashylyǵy bóliminde habarlaǵandaı, búgingi tańda AI-92 janarmaıynyń bir lıtri 161,5 teńge, al, dızel otyny - 174,5 teńge.
Osyǵan baılanysty, TÚKSh bólimi 1-jeltoqsannan bastap Pavlodarda jol aqysyn 70-ten 80 teńgege kóterý týraly usynysyn bildirdi.
«Janarmaıdyń eń kemi bir lıtrine 160 teńge turady. Jol shyǵynyna ketetin janarmaı quny 45 paıyz bolatyn, búginde ol 72 paıyzǵa jetti. Tarıftiń 10 paıyzǵa ósýi janarmaıdyń 14 paıyz ósimine alyp keledi, sondyqtan bul jaǵdaı jyl boıy oryn alǵan shyǵynnyń ornyn toltyrmaıdy. Biz ótinishti 80 emes, 90 teńgege kóterý týraly jazdyq. Qazirgi jaǵdaıda 80 teńge bizdi qıynshylyqtan qutqarmaıdy. Qazaqstan boıynsha ortasha tarıf 85 teńgeni quraıdy», - dedi «№1 Avtobýs saıabaǵy» JShS dırektory Vadım Kovalchýk qalalyq máslıhat komıssııasynyń otyrysynda.
Eske salaıyq, bul tasymaldaýshylardyń qalalyq depýtattarǵa joldaǵan ekinshi ótinishi. Birinshi ret bul másele shilde aıynda kóterilgen bolatyn. Osy jolǵy otyrys barysynda halyq qalaýlylary bir jaqty sheshimge kele almady. Aldaǵy ýaqytta osy másele halyq daýysyna salynýy múmkin.
