Pavlodarlyq sýretshiler Chehııada ótken halyqaralyq baıqaýda laýreat atandy
PAVLODAR. QazAqparat - Pavlodar qalasynyń № 2 Balalar kórkemsýret mektebiniń oqýshylary Chehııadaǵy Lıdıtse aýylynda ótken 45-halyqaralyq «Saıahat» kórkem týyndysy kórmesine qatysty.
Qalalyq bilim berý bólimi usynǵan aqparatqa súıensek, atalmysh sharaǵa mektep oqýshylarynyń 31 sýreti jiberilgen. Kórme ekspozıtsııasy Lıdıtse galereıasynda 30 qarashaǵa deıin jalǵasady, dep habarlaıdy pavlodarnews.kz .
«№ 2 kórkemsýret mektebiniń oqýshylary 8 jastaǵy Anna Popıktiń «Eki qurby» men 10 jastaǵy Ajar Nurkınanyń «Jas júzgishter» atty eki shyǵarmasy qorytyndy bólimine engizildi. Laýreattardyń jumystary gýash boıaýlarymen kesteli sýret mánerinde oryndalǵan. Oqýshylardy sýret pedagogy, mektep basshysy Natalıa Gerýsova daıyndady», - deıdi bólim mamany Baljan Ádilhanova.
Aıta keterligi, atalmysh saıys 1967 jyldan bastap ótkiziledi jáne Lıdıtse cheh aýylyndaǵy nemister óltirgen jáne soǵysta qaza tapqan balalardy eske alýǵa arnalǵan. 1973 jyldan bastap kórme halyqaralyq mártebe alyp, jyl saıyn 70 shaqty álemniń ártúrli elderi qatysady. Bıyl eń úzdik sýretshi balalardy saltanatty túrde marapattaýǵa Cheh Respýblıkasynyń 23 elshiliginiń ókilderi men elshileri qatysty.
