Pavlodarlyq sýdıalarǵa 12 qyzmettik páter men alty kólik kilti tabystaldy
ASTANA. QazAqparat - «Pavlodar oblystyq soty 2017 jyldyń birinshi jartyjyldyǵyndaǵy sot tóreligin júzege asyrý qorytyndysy boıynsha keńeıtilgen keńes ótkizdi.
Bul týraly oblystyq sottyń baspasóz qyzmeti málim etti, dep habarlaıdy pavlodarnews.kz.
Keńes jumysyna Joǵarǵy Sot Keńesiniń (JSK) tóraǵasy Anatolıı Smolın, oblystyq sottyń alqa tóraǵalary men sýdıalary, qalalyq jáne aýdandyq sottardyń tóraǵalary men sýdıalary, Sottar ákimshisiniń basshylyǵy men qyzmetkerleri qatysty. Oblystyq sot alqasynyń tóraǵasy Erbol Janǵazın men Bahytbek Beǵalıev qylmystyq, azamattyq jáne ákimshilik ister jóninde sot jumysynyń qorytyndysyna toqtaldy. Spıkerlerdiń aqparaty boıynsha 2017 jylǵy 6 aıynda Pavlodar oblysynyń sottaryna 1 154 qylmystyq is tústi. Sot isin júrgizýmen 1 179 is aıaqtaldy. Úkim shyǵarýmen 813 tulǵaǵa qatysty 715 is qaralyp, onyń ishinde 800 tulǵa sottaldy jáne 13 tulǵa aqtaldy. Qysqartylǵan is júrgizý tártibinde 305 is qaraldy, al 2016 jyly 262 is qaraldy. Atalǵan kórsetkishtiń artýy 8,6%-dy quraıdy. Birinshi saty sottarymen sot tóreligin joldaý sapasy 1,8%-ǵa jaqsardy.
Іs-shara sońynda JSK-niń tóraǵasymen «Sýdıalardy baspanamen qamtamasyz etý» baǵdarlamasy aıasynda 12 qyzmettik páter men alty qyzmettik kóliktiń kiltterin saltanatty tapsyrý rásimi ótti.
Aýyr ister boıynsha medıatsııa tártibinde daýlardy sheshkeni úshin qurmet gramotalarymen Aqtoǵaı aýdandyq sotynyń sýdıasy Ásel Qabrashova, Pavlodar qalalyq sotynyń sýdıasy - Dınara Jetpisova; medıatsııa tártibinde daýlardy sheshý boıynsha úzdik kórsetkishter úshin - Baıanaýyl aýdandyq sotynyń tóraǵasy Dýlat Salatov, Pavlodar jáne Ekibastuz qalalyq sotynyń sýdıalary Gúlim Asanova men Nurlan Qaıyrbekov marapattaldy.
«Memlekettik tildegi eń úzdik sot otyrysy» baıqaýynyń jeńimpazdary marapattaldy. Birinshi orynǵa Pavlodar qalasynyń mamandandyrylǵan ákimshilik sotynyń tóraǵasy Nurolla Esenjolov ıe boldy, ekinshi oryn - Aqsý qalalyq sotynyń sýdıasy Rınat Qurmanǵalıev, úshinshi - Ekibastuz qalasynyń mamandandyrylǵan ákimshilik sotynyń tóraǵasy - Ǵalym Qaldarovtyń enshisinde.
Aýyr ister boıynsha medıatsııa tártibinde daýlardy sheshkeni úshin qurmet gramotalarymen Aqtoǵaı aýdandyq sotynyń sýdıasy Ásel Qabrashova, Pavlodar qalalyq sotynyń sýdıasy - Dınara Jetpisova; medıatsııa tártibinde daýlardy sheshý boıynsha úzdik kórsetkishter úshin - Baıanaýyl aýdandyq sotynyń tóraǵasy Dýlat Salatov, Pavlodar jáne Ekibastuz qalalyq sotynyń sýdıalary Gúlim Asanova men Nurlan Qaıyrbekov marapattaldy.
