Pavlodarlyq stýdentter qymyzdan balmuzdaq jasamaq

ALMATY. QazAqparat - Almatyda «Enactus Kazakhstan Expo 2016» stýdentter arasyndaǵy kásipkerlik ıdeıalarynyń baıqaýy aıaqtaldy.

Konkýrsta S.Toraıǵyrov atyndaǵy Pavlodar memlekettik ýnıversıtet stýdentteriniń «KoumIce» (KýmAıs) jobasy úzdik dep tanyldy.

Jastar qymyzdan balmuzdaq jasaý tehnologııasyn kórsetti.

Jeńimpaz komanda Qazaqstannyń namysyn Torontoda ótetin halyqaralyq baıqaýda qorǵaıtyn boldy.

«Jastardy qoldaý - Qazaqstan bolashaǵyna quıylǵan ınvestıtsııa deýge bolady. Enactus aıasyndaǵy ınstıtýt qalyptasqan kásipkerler men jas kásipkerlerdiń arasyndaǵy dáneker bolyp otyr. Álemde 60 myńǵa jýyq stýdent Enactus baǵdarlamasynyń arqasynda ıdeıalaryn júzege asyryp keledi», - dedi Enactus Kazakhstan dırektorlar keńesiniń tóraǵasy, Raimbek kompanııasynyń basshysy Raıymbek Batalov.

Pavlodarlyq komanda «Qazaqstandy qalaı asyraımyz?» arnaıy júldesin jeńip aldy.