Pavlodarlyq stýdentter «Igry prestolov» serıalynyń temir taǵyn jasady
ASTANA. QazAqparat - Eńbek kúnine oraı Pavlodar tústi metallýrgııa kolledji jáne Pavlodar montajdaý kolledjiniń «Dánekerleý isi» mamandyǵy boıynsha oqıtyn stýdentteri naǵyz óner týyndysyn - «Igra prestolov» atty álemdik televızııalyq shoýdaǵy taqtyń kóshirmesin jasady, dep habarlaıdy pavlodarnews.kz.
Oblystyq bilim berý basqarmasy habarlaǵandaı, eki kolledjdiń shyǵarmashylyq birlesýinen týyndaǵan buıym Pavlodarǵa syıǵa tartylady jáne qalanyń kóshesinde dostyq pen stýdenttik baýyrlastyqtyń jetistikteriniń nyshany retinde ornatylady.
«Óndiristik oqytý sheberiniń jetekshiligimen joǵarǵy kýrstyń alty stýdenti bes kún boıy bul taqty jasaǵan», - deıdi tehnıkalyq jáne kásibı bilim berý bóliminiń mamandary.
«Jigitter týǵan qalasyna erekshe syı jasaýǵa nıettenip, jastar arasynda úlken tanymaldylyqqa ıe bolǵan «Igry prestolov» serıalyndaǵy taqty tańdap aldy. Handardyń oryndyǵyn ázirleý úshin tústi metalldyń alty danasy qoldanyldy. Qol óner týyndysynyń qalanyń qaı jerine ornalastyrylatyny áli belgisiz.
Aıta keteıik, Pavlodarda Eńbek kúni resmı 21-qyrkúıek kúni merekelenedi.
