Pavlodarlyq stýdent múgedekterge eden jýatyn qurylǵy jasap berdi
ASTANA. QazAqparat - S.Toraıǵyrov atyndaǵy Pavlodar memlekettik ýnıversıtetinde ónertapqyshtar marafonyna qatysyp jatqan jergilikti stýdentter múgedek jandar úshin eden jýatyn qurylǵysyn kórsetpek, dep habarlaıdy pavlodarnews.kz .
Stýdent Áset Aıtbaev tehnologııalyq mashınalar jáne jabdyqtar mamandyǵy boıynsha bilim alady. PMÝ-de ótip jatqan ónertapqyshtar marafonynda ol dostarymen birlese otyryp, múmkindigi shekteýli jandarǵa arnalǵan eden jýǵysh jasaýdy uıǵarypty. «Bizdiń qurylǵyny jasaý tásili óte qarapaıym jáne qoldanýǵa qolaıly. Bar bolǵany birneshe qubyrlardy sharnırmen biriktiremiz de, onyń tabandaryna edende taımas úshin rezına kıgizemiz. Sodan keıin oǵan eden jýatyn gýbkaly qosymshasyn ornatamyz. Ózindigimen júrip-tura almaıtyn adamdar soǵan súıenip turyp-aq, úıiniń kez-kelgen jerin jýyp, tazalaı alady. Qurylǵynyń salmaǵy 3-4 keliden aspaıdy. 18 maýsymda osy marafonnyń qorytyndysy kezinde óz jobamyzdy qorǵap, odan ary is júzinde paıdaǵa asyrýda josparlap otyrmyz», - deıdi Áset Aıtbaev.
Aıta keteıik Áset buǵan deıin Pavlodar qalasyndaǵy «Trýboprokat» zaýytynda óndiristen qalǵan trýba qaldyqtary arqyly jıhaz fýrnıtýralaryn jáne vagon qurylysyna arnalǵan qosymsha qurylǵylardy jasap, ártúrli konkýrstarǵa qatysyp júldeli oryndarǵa ıe bolǵan.
