Pavlodarlyq stýdent qyz Amerıkadaǵy gospıtaldardyń birinde es-tússiz jatyr -QR SІM
TANA. 8 tamyz. QazAqparat /Marlan Jıembaı/ - «Work & Travel» baǵdarlamasy boıynsha AQSh-ta jumys istep júrgen pavlodarlyq Aınur Ahmetova Massachýsets shtatyndaǵy gospıtalderdiń birinde es-tússiz jatyr.
Bul týraly búgin QR Syrtqy ister mınıstrliginiń resmı ókili Asqar Abdrahmanov málim etti.
Onyń atap ótýinshe, A.Ahmetova ózi jumys isteıtin qonaqúıdiń basseıinde belgisiz jaǵdaıda es-túsinen aıyrylǵan kúıinde tabylǵan. Polıtsııa qyzmetkerleri kelip jetkenshe, ol sýdan shyǵarylyp, qasynda adamdar bolǵan. A.Ahmetovanyń júrek qaǵysy, dem alysy bilinbegen.
«Bizdiń dıplomattardyń málimetteri boıynsha, A. Ahmetova óte aýyr jaǵdaıda es-tússiz bolǵan», - dep atap ótti resmı ókil.
QR Syrtqy ister mınıstrligi Aınurdyń apaıynyń shuǵyl arada AQSh-qa ushyp barýy úshin amerıkandyq vıza alýǵa járdem berdi. Qazirgi ýaqytta ol Amerıkada. Sonymen qatar elimizdiń Nıý-Iorktegi Bas konsýldyǵy da oǵan qajetti qoldaý kórsetýde.
