Pavlodarlyq sheneýnikter 17 qyrkúıekte prezıdenttik test tapsyrady
ASTANA. QazAqparat -17 qyrkúıek kúni Pavlodar oblysynyń sheneýnikteri prezıdenttik test tapsyrady, dep habarlaıdy pavlodarnews.kz.
Sporttyq sharalar jyl saıyn Pavlodar oblysynyń turǵyndary arasynda qyrkúıek pen qazan aılarynda ótkiziledi. Oblystyq basqarmalardyń qyzmetkerleri testti ortalyq stadıonda tapsyrsa, qalǵandary «Juldyz» stadıonynda kezdesetin bolady.
Jalpy test barysynda qyzmetkerler segiz túrli synnan ótedi: qysqa jáne uzyn qashyqtyqta júgirý, ornynan sekirý, erler arasynda kermede tartylý, áıelderdiń arasynda keýdeni kóterý, pnevmatıkalyq vıntovkadan atý, shańǵymen júgiris, dopty jáne granatany laqtyrý, júzý. Negizi, prezıdenttik test bes satydan turady: birinshisi - 9-10 jastaǵy 4-7 synyp oqýshylary arasynda «Shymyrlyq pen eptilik», ekinshisi - toǵyzynshy synyp oqýshylary úshin «Sport izbasarlary», úshinshisi - 11-synyp oqýshylary men kolledj ben lıtseı stýdentterine arnalǵan «Kúsh pen batyldyq», tórtinshisi - 18-23 jastaǵy stýdentter men 24-39 jas aralyǵyndaǵy jastarǵa «Shynyǵýdy jetildirý» jáne besinshisi - 40-49, 50-59, 60 jastan joǵary óńir turǵyndaryna arnalǵan «Sergektik pen densaýlyq».
Aıta keterligi, prezıdenttik testti dárigerden ruqsattama qaǵazy bar, sportpen belsendi aınalysatyn jáne óz betinshe aınalysatyn adamdar tapsyra alady.
