Pavlodarlyq sheneýnik kabınetinen 160 myń dollar, qymbat shveıtsarlyq saǵattar tárkilendi
Onyń aıtýynsha, Sybaılas jemqorlyqqa qarsy is-qımyl ulttyq bıýrosy asa iri kólemde para alý kúdigimen Pavlodar oblystyq memlekettik kirister departamentiniń basshysy Baıqurmanov pen atalǵan departamenttiń ekonomıkalyq tergeý qyzmetiniń basshysy Beısembaevty ustaǵan.
«31 tamyzda jasyryn tergeý sharalaryn júrgizý barysynda atalǵan tulǵalar osy jyldyń naýryzynda qozǵalǵan qylmystyq isti toqtatý jáne 1,1 mlrd teńgelik salyqty salmaý úshin JShS ókilinen 100 myń AQSh dollaryn qaıtadan qaıtarý barysynda qylmystary áshkerelengen. Kúdiktilerdiń turǵylyqty jerlerinde, kabınetterinde, jumys oryndarynda tintý jumystary júrgizildi. Sonyń nátıjesinde aqsha qarajattary men baǵaly zattar tabyldy. Atap aıtqanda, 160 myń AQSh dollary, 10,5 mln teńge jáne 9 jup qymbat shveıtsarlyq saǵat alyndy», - dedi Nurlan Jahın.
Resmı ókildiń sózine qaraǵanda, sol kúni kúdiktiler ustalyp, Pavlodar qalalyq ІІD ýaqytsha oqshaýlaǵyshyna qamalǵan. Al 3 qyrkúıekte kúdiktilerdiń ekeýi de Pavlodar qalalyq tergeý sotynyń sanktsııasymen qamaýǵa alynǵan.
«Kúdiktiler tarapynan aqsha qarajattaryn zańsyz alý ótinish berýshiniń túsinigi boıynsha, sondaı-aq basqa kýágerlermen jasyryn tergeý áreketteriniń materıaldary arqyly rastalyp otyr. Sotqa deıingi tergeý asa iri kólemde para alý baby boıynsha júrgizilip jatyr», - dedi ol.
Nurlan Jahınniń aıtýynsha, kúdiktilerdiń laýazymdy memlekettik qyzmette bolý múmkinshilikteri shekteledi. Sonymen qatar paranyń 70-80 eselengen somasy mólsherinde aıyppul salynýy múmkin nemese 10-15 jylǵa deıin bas bostandyǵynan aıyrý jazasyna iligedi.
Eske sala ketsek, Pavlodar oblystyq Memlekettik kirister departamentiniń (MKD) basshysy Ernur Baıqurmanov, MKD oblystyq basqarmasy tergeý bóliminiń basshysy Azamat Beısembaev jáne jedel ýákil D.Maǵzumov 100 myń AQSh dollary kóleminde para aldy degen kúdikpen ustalǵanyn buǵan deıin habarlaǵan bolatynbyz.
Illıýstratsııalyq sýret