Pavlodarlyq sheneýnik 3 jylyn temir tordyń ar jaǵynda ótkizedi
NUR-SULTAN. QazAqparat - Pavlodar oblystyq densaýlyq saqtaý basqarmasynyń burynǵy basshysy para alǵany úshin úshin sottaldy. Bul týraly onlaın brfıng barysynda QR Sybaılas jemqorlyqqa qarsy is-qımyl agenttiginiń 1-shi departamentiniń aǵa tergeýshisi Danııar Bıǵaıdarov aıtty, dep habarlaıdy QazAqparat tilshisi.
«Pavlodar oblystyq sybaılas jemqorlyqqa qarsy qyzmeti Pavlodar oblystyq densaýlyq saqtaý basqarmasynyń basshysy O.Muqashevqa qatysty sybaılas jemqorlyq qylmysyn jasaý faktisi boıynsha sotqa deıingi tergeýdi aıaqtady»,- dedi ol.
Aǵa tergeýshiniń dereginshe, ol kásiporyn dırektorynan jalpy qamqorlyǵy men Pavlodar oblysynyń medıtsına mekemeleri úshin zalalsyzdandyrý quraldaryn memlekettik satyp alý tenderinde jeńiske jetýi úshin 3 mln teńge kóleminde para alý kúdigine ilikken.
«Osy jyldyń 30 naýryzda Pavlodar qalalyq №2 sotynyń úkimimen Muqashev 3 jylǵa bas bostandyǵynan aırylyp, jazasyn ortasha qaýipsiz mekemede óteıdi. Sonymen qatar sottalýshy ómir boıyna memlekettik qyzmette laýazym atqarý quqyǵynan aıyryldy»,- dedi Danııar Bıǵaıdarov.
