Pavlodarlyq satýshylardy aldaǵan alaıaqqa izdeý jarııalady
ASTANA. QazAqparat - Pavlodar oblysynyń quqyq qorǵaý organdary satýshylardy aldaıtyn alaıaqqa izdeý jarııalady, dep habarlaıdy pavlodarnews.kz.
Óńirlik ІІD-de habarlaǵandaı, polıtseıler alaıaqtyń aty-jónin anyqtaǵan. Ol Pavlodar qalasynyń 1986 jylǵy turǵyny Marat Asatýllın. Qala dúkenderinde aqshany usaq kýpıýralarǵa aıyrbastaǵan sátte jartysyn jasyryn, qaltasyna salyp otyrǵan. Osylaısha, satýshylarǵa 3-4 myń teńge shyǵyn keltirgen.
«Turǵyndardy saq bolýǵa shaqyramyz». Aqshany muqııat sanap alyp, alaıaqtyń quryǵyna túspeýge tyrysyńyzdar. Eger de kúdiktige qatysty qandaı da bir aqparat bolsa nemese onyń qaıda júrgenin bilseńiz, dereý 8(7182)-39-15-01, 39-15-11, 39-15-43 jáne 102 nómirlerine qońyraý shalyńyzdar», -dep jazylǵan habarlamada.
