Pavlodarlyq polıtsııa qyzmetkeri kıkboksıngten Qazaqstan chempıony atandy
ASTANA. QazAqparat - Atyraý qalasynda erler men áıelder arasynda kıkboksıng boıynsha ótken respýblıkalyq birinshilikte Pavlodar oblysynyń abyroıyn qorǵaǵan ІІD polıtsııa leıtenanty Nursultan Hasanov 67 kelige deıingi salmaqta «Qazaqstan Respýblıkasynyń chempıony» ataǵyna ıe boldy, dep habarlaıdy pavlodarnews.kz.
Oblystyq ІІD baspasóz qyzmetiniń málimetinshe, Nursultan buǵan deıin kıkboksıng boıynsha 2012, 2015 jyldary Azııa chempıony, 2012 jyly Álem Kýboginiń ıegeri, 2008 jyly Álem chempıonatynyń kúmis júldegeri atanǵan. Degenmen, ol bolashaqta budan da joǵary jetistikterge qol jetkizýdi kózdeýde.
Jarysqa elimizdiń barlyq aımaqtarynan 500-deı sportshydan turatyn 17 komanda qatysqan. Nátıjesinde Azııa, Álem chempıonattarynda Qazaqstan Respýblıkasynyń abyroıyn qorǵaıtyn sportshylar Ulttyq qurama komandaǵa irikteldi.
«Nursultan ishki ister organdarynda 2016 jylǵy qarasha aıynan bastap jumys isteıdi. Pavlodar oblysy Ertis aýdanynyń týmasy. Jasy 25-te. Jalpy orta bilim berý mektebin Ekibastuz qalasynda, keıin Pavlodar memlekettik pedagogıkalyq ınstıtýtynyń dene shynyqtyrý fakýltetinde bilim alǵan. Onyń jeke bapkeri - Qazaqstan Respýblıkasynyń eńbek sińirgen jattyqtyrýshysy Sabyrjan Jaqypov. Búginde ol Pavlodar oblysynyń «Alǵa» sport klýbynyń bas bapkeri», - deıdi baspasóz qyzmetinde.
Mundaı jetistikke jetkeni úshin Pavlodar oblysy ІІD bastyǵy polıtsııa general-maıory Marat Qojaev Nursultandy ІІD-niń alǵys hatymen madaqtap, bolashaqta bıik jetistikterden kórine berýine tilektes ekenin jetkizdi.
