Pavlodarlyq polıtseıler lańkestik qaýip týraly laqap aqparat taratatyn tulǵalardy anyqtap jatyr
PAVLODAR. QazAqparat - Pavlodar oblystyq ІІD baspasóz qyzmeti áleýmettik jeliler men messendjerlerde tarap jatqan «qaýiptiń qyzyl deńgeıi» týraly aqparat shyndyqqa janaspaıtyny týraly jazylǵan baspasóz habarlamasyn taratty.
Jaǵdaı turaqty, baqylanyp jatyr.
«Oblys turǵyndary ósekke ermeýi kerek. Qandaı da bir ózgerister bolǵan jaǵdaıda BAQ ókilderi arqyly habarlaımyz», -delingen habarlamada.
Qazirgi ýaqytta polıtseıler jalǵan aqparat taratqan adamdardy izdestirip jatyr. Zańǵa sáıkes olarǵa qatań jaza qoldanylady.
«Mundaı habarlama taratqan adamdar QR QK 274 babyna sáıkes («Qoǵamdyq tártipti buzý nemese azamattardyń nemese uıymdardyń quqyqtary men zańdy múddelerine ne qoǵamnyń nemese memlekettiń zańmen qorǵalatyn múddelerine eleýli zııan keltirý qaýpin tóndiretin kórineý jalǵan aqparat taratý») jazalanady. Bul bapta 1000 AEK kóleminde aıyppul nemese besten on jylǵa deıin bas bostandyǵynan aıyrý jazasy qarastyrylǵan», delingen ІІD baspasóz habarlamasynda.
