Pavlodarlyq polıtseıler hronometr arqyly HQKO-da tirkelý ýaqytynyń uzaqtyǵyn anyqtady
ASTANA. QazAqparat - Pavlodardaǵy tártip saqshylary arnaıy hronometr arqyly Halyqqa qyzmet kórsetý ortalyǵynda tirkelý ýaqytynyń uzaqtyǵyn anyqtady, dep habarlaıy pavlodarnews.kz.
Oblystyq ІІD-niń baspasóz qyzmetiniń basshysy Baıan Maǵzumova málim etkendeı, Pavlodarda ózge aımaqtardaǵydaı dúrligý oryn almaý kerek.
«Barlyq polıtseıler páterlerdi aralap adamdardy tekseredi dep oılamańyzdar, olaı bolmaıdy. Mundaı sharalar toqsan saıyn arnaıy merekeler kezinde ǵana oryn alady. Eger bireýlerden páterde zorlyq-zombylyq kórsetti nemese páterde shýlap jatyr degen aryzdar tússe, turǵyndardyń qujattary tekseriledi. Mysaly, qyzy anasynyń úıine qonaqqa kelse, oǵan HQKO-na júgirý mindetti emes. Negizinen tek shet el azamattary tekseriletin bolady», - dedi Baıan Maǵzumova.
ІІD-niń aqparatyna súıensek, HQKO-da tirkelý ýaqyty ortasha eseppen 15 mınýtty alady. Baspasóz basshysynyń aıtýynsha, árbir ýchaskelik ınspektor ózine júktelgen aýdanda qansha jáne qandaı adamdar turatynyn bilý kerek, sondaı-aq ár turǵyn alaıaqtarǵa tap bolyp qalmas úshin óz ınspektoryn jaqsy taný kerek.
