Pavlodarlyq polıtseıler esirtki jasyrýshyny ustady
«Belgisiz áıel Pavlodar qalasynyń kóshelerinde bir-birine jaqyn ornalasqan jer ýchaskelerin fotosýretke túsirip júrgen. Fotosýretterdi ne úshin túsirip jatqany týraly suraqqa ol ózine unaǵanyn sýretke túsirgenin aıtty, biraq beınejazbalardy kórgende kúdikti esirtki jasyrǵanyn moıyndaýǵa májbúr boldy», - dedi Pavlodar oblysy polıtsııa departamentiniń bastyǵy Vasılıı Sklıar.
Áıel messendjerlerdiń birinde esirtki zattaryn taratýmen aınalysatyn ınternet-dúkenge «jumysqa ornalasý» týraly habarlandyrýdy kórgenin aıtty.
Nusqaýlyq ótkennen keıin kúdikti kýrer bolyp, esirtki jasyrýmen aınalysqan. Olardyń koordınattaryn foto arqyly dúken operatorlaryna jiberip otyrǵan.
Jeke tintý barysynda áıelden jalpy salmaǵy 54,35 gramm bolatyn 36 oram tabylyp, tárkilendi, olardyń quramynda «alfa-PvP» psıhotroptyq zaty bar.
