Pavlodarlyq polıtseıler bir aptada 70-ten astam urlyqtyń aldyn aldy

PAVLODAR. QazAqparat - Bir apta boıy kópqabatty úılerdiń aýlasyn patrýldegen pavlodarlyq polıtseıler esik-terezesi jabylmaǵan, júksalǵyshy ashyq qalǵan 70-ke jýyq avtomashınany anyqtady, dep habarlaıdy QazAqparat pavlodarnews.kz-ke silteme jasap.

Bul týraly oblystyq polıtsııa departamentiniń baspasóz qyzmetin habarlady.

«Mysaly, Lermontov kóshesindegi úıdiń aýlasynda «Mersedes» avtokóliginiń esigi ashyq qalǵan. Salonnyń ishinde kórinetin jerde teri buıymdary men basqa da baǵaly zattar bolǵan. Budan basqa, «Toıota Korolla» avtokóliginiń ıesi qymbat telefony men qujattarynan aıyrylyp qala jazdady. Polıtsııa qyzmetkerleri avtokólik ıelerin anyqtap, olarmen aldyn ala áńgime júrgizgen», - deıdi departamentte.

Polıtsııa qyzmetkerleri qarapaıym qaýipsizdik erejelerin saqtaý múlikti urlaý, sondaı-aq avtomobıldi zaqymdaý qaýipin tómendetýge múmkindik beretinin eske salady.