Pavlodarlyq polıtseıler 10 myńnan astam azamattyq qarý ıelerin tekserdi
PAVLODAR. QazAqparat - Pavlodarlyq polıtseıler 10 myńnan astam azamattyq qarý ıelerin tekserdi, – dep habarlaıdy QazAqparat.
Bıyl Pavlodar oblysynyń polıtsııa organdary 10 397 azamattyq qarý ıelerin tekserip, 533 adam ákimshilik jaýapkershilikke tartyldy.
«Saqtaý erejelerin buzǵany úshin 349 qarý ıesi kináli dep tanyldy. Zańsyz saqtaǵany úshin 79 azamatqa jaza taǵaıyndaldy. Qarýdy tirkeý jáne qaıta tirkeý merzimderin buzǵan 105 adam anyqtaldy. Zańsyz aınalymnan 161 qarý tárkilendi. Sondaı-aq, osy jyldyń 21 sáýirinde bastalǵan Halyqtyń óteýli erikti túrde atys qarýyn, oq-dáriler men jarylǵysh zattardy tapsyrýy boıynsha ótkizilip jatqan kezekti respýblıkalyq aktsııa sheńberinde azamattardan 70 ótinish kelip tústi», - dep jazdy vedomstvodan.
Sondaı-aq tirkelmegen 16 uzyn uńǵyly oıyq qarý, 57 tegis uńǵyly qarý, 1 travmatıkalyq qarý jáne oıyq uńǵyly qarýdyń 8 287 patrondary tapsyrylǵan. Komıssııalar shamamen 6 mln teńge somaǵa 73 qarý men 8149 patron satyp alý týraly 67 sheshim qabyldady.
