Pavlodarlyq polıtseı kópirden sekirmek bolǵan áıeldi qutqaryp qaldy
NUR-SULTAN. QazAqparat - 32 jastaǵy úsh balanyń anasy Ertis ózeniniń kópirinen sekirip ketpek bolǵan, dep habarlaıdy QazAqparat tilshisi Pavlodar oblystyq Polıtsııa departamentiniń VKontakte paraqshasyna silteme jasap.
«24 sáýirde saǵat 17.42 shamasynda «Rýbej» baqylaý pýnktiniń kezekshisine kishi leıtenant polıtseıi Erbol Aıǵojınge júrgizýshilerdiń biri, belgisiz áıeldiń kópir ortasynda jylap turǵanyn jetkizgen. Avtokólikke jedel otyrǵan polıtseı kórsetilgen jerge jetip, áıeldiń kópirdiń shetinde turyp sekirýge daıar turǵanyn kóredi. Shalt qımylynyń arqasynda, Erbol artynan júgirip kelip, áıeldi qaýipsiz jerge tartyp úlgerdi», - delingen habarlamada.
Pavlodarlyq kelinshektiń sol kúni jubaıymen renjisip, ózine qol jumsaǵysy kelgeni anyqtaldy. Qazirgi ýaqytta onymen psıhologtar jumys júrgizýde.
«Erbol osy jyly ekinshi adamdy qutqaryp otyr. Osy jyldyń 2 qańtarynda ol kópirden sekirmek bolǵan taǵy bir áıeldi qutqaryp alǵan», - dep habarlaıdy Polıtsııa departamentinen.
Departamenttiń habarlaýynsha, polıtsııa qyzmetkeri Erbol Aıǵojın quqyq qorǵaý organynda 2002 jyldan beri jumys istep keledi.
