Pavlodarlyq órt sóndirýshilerge janǵan terek mamyǵyn 9 ret sóndirýge týra keldi

PAVLODAR. QazAqparat – Aımaqtyń órt sóndirýshileri turǵyndardy terek mamyǵyn jandyrmaı, balalardy odan aýlaq ustaýǵa shaqyrdy, dep habarlaıdy QzAqparat.

«Táýlik ishinde oblysta terek mamyǵynyń órtenýi sebebimen ǵana toǵyz órt oqıǵasy boldy. Barlyq oqıǵalar boıynsha jalyndy departamenttiń kúshteri men quraldary ýaqtyly aýyzdyqtap, sóndirgen», - dep habarlady tilshilerge Pvlodar oblystyq Tótenshe jaǵdaılar departamentiniń baspasóz qyzmetinen.

TJ boıynsha aımaqtyq departament barlyq turǵyndardy kóshede terek mamyǵyn órtemeı, balalardy odan aýlaq júrýin qadaǵalaýǵa shaqyrdy.

«Kez kelgen órtený qaıǵyly jaǵdaımen nemese basqa azamattardyń shyǵynǵa ushyraýymen aıaqtalýy yqtımal», - dep eskertedi qutqarýshylar.