Pavlodarlyq órt sóndirýshiler janyp jatqan úıden gaz ballondaryn alyp shyqty
ASTANA. QazAqparat - Pavlodarlyq №35 órt sóndirý bóliminiń qyzmetkerleri janyp jatqan úıden gaz ballondaryn alyp shyqty. Bul jóninde oblystyq TJD baspasóz qyzmeti málim etti, dep habarlaıdy pavlodarnews.kz.
15 aqpan kúni dıspetcherlik qyzmetke qala mańyndaǵy Mıchýrın jáne Chernoıarka aýyldarynan órt jaıly eki habar túsken. - Birinshi órt Mıchýrın aýylynda saǵat 8.25-te boldy, -dedi baspasóz qyzmetinde. - Órtti sóndirý úshin № 35 órt sóndirý bólimi jáne № 1 mamandandyrylǵan órt sóndirý bólimderinen úsh avtotsısterna shyqty. 10 órt sóndirýshiniń kómegimen tilsiz jaý 10.25-te oqshaýlanyp, tolyǵymen 16.00-de joıyldy. Qutqarýshylar janyp jatqan úıden 50 lıtrlik kólemdi gaz ballonyn shyǵardy. Aldyn ala boljam boıynsha, ot pesh aqaýlarynan tutanǵan. Al, ekinshi órt Chernoıarka aýylynda Lesnaıa kóshesi, 16-úı mekenjaıynda bolǵan. Oqıǵa týraly habar saǵat 01:21-de túsken. Qurylys materıaldary qyzyl jalynnyń astynda qalyp, jalyn úsh bólmeli jeke turǵyn úıdi sharpyǵan. Órt sóndirý bóliminiń jeke quramynan jeti adam jáne eki tehnıka saǵat 3:25-te órtti oqshaýlap, 5:15-te tolyǵymen sóndirgen. Sonymen qatar, jarylystyń qaýiptiligine qaramastan, № 35 órt sóndirý bóliminiń azamattyq qorǵaý starshınasy Erbol Tókeshov jáne órt sóndirýshi kishi serjant Qaırat Valeev tez arada eki gaz ballonyn úıden alyp shyǵyp, jarylystyń aldyn aldy.
