Pavlodarlyq órt sóndirýshiler qaýipti aımaqtan 31 ballondy shyǵardy
Baspasóz qyzmetiniń málimetterine qaraǵanda, 5 jeltoqsanda saǵat 15-55-te Pavlodar qalasyndaǵy saıdıngpen qaptalǵan bir qabatty temirbetondy ǵımarattan (tońazytý jáne jeldetý jabdyǵyn shyǵarady) órt shyqty, sondaı-aq kólemi 250 sharshy metr alańda qural-jabdyqtar jandy.
Órtti sóndirýge kelgen órt sóndirýshiler oqıǵa ornynan gaz ballondaryn tapty. Jaǵdaıdyń qıyndaýyna jol bermeý maqsatynda órt sóndirýshiler oqıǵa bolǵan jerden ornynan 5 gaz (27 l.) jáne 2 ottegi ballonyn shyǵardy. Budan basqa órt sóndirýshilerdiń jedel is-qımyly arqasynda órt kórshi ǵımarattarǵa taralǵan joq.
Órt sóndirý bólimsheleri kelgenge deıin 13 adam óz betinshe oqıǵa ornynan evakýatsııalandy.
Órt saǵat 17-29-da oqshaýlandy.
Qaıtys bolǵandar men zardap shekkender joq.
Órtti sóndirýge 35 órt sóndirýshi men 7 birlik órt tehnıkasy, jedel-qutqarý jasaǵynyń qutqarýshylary, Apattar medıtsınasy ortalyǵynyń medıtsına qyzmetkerleri jumyldyryldy.
«Qazirgi ýaqytta órtti oqshaýlaýǵa qol jetkizildi. Órtti sóndirý jumystary jalǵastyrylýda»,-delingen hbarlamada.