Pavlodarlyq órt sóndirýshiler gaz jarylysynyń aldyn aldy

PAVLODAR. QazAqparat - Pavlodarda jartylaı fabrıkattar tsehynda órt shyqty. Oǵan gaz jáne gazben jabdyqtaý júıeleri obektilerin paıdalaný qaýipsizdigi jónindegi talaptardyń buzylýy sebep bolǵan, dep habarlaıdy Ravlodarnews.kz.

Oblystyq TJD baspasóz qyzmetiniń málimetinshe, 24 qańtarda saǵat 16:07-de Tsıolkovskıı kóshesi, 30 mekenjaıy boıynsha órt shyqqany týraly habarlama túsken. Jartylaı fabrıkattar tsehynyń aýmaǵynda GAZ avtokóliginen gaz jylý berý júıesi úshin qarastyrylǵan jer asty gazgolderden suıytylǵan gazben toltyrý kezinde gaz-aýa qospasy jarylǵan. Saldarynan 8 sharshy metr aýmaqta gaz janǵan.
- Rezervýarlarǵa janarmaı quıý kezinde gazdy jylytý júıesi qosylǵan, al janarmaı quıý kezinde gaz aǵyp ketken. 1990 jáne 1985 jyly týǵan er adamdar 1-2 dárejeli jalynmen termııalyq kúıik aldy. Kólemi 1%-dan az, apattar medıtsınasy ortalyǵynyń qyzmetkerleri alǵashqy medıtsınalyq kómek kórsetti, aýrýhanaǵa jatqyzýdyń qajeti bolǵan joq. Órtti joıǵannan keıin gazdyń taralýyn boldyrmaý úshin mehanıkalyq kóbik qoldanyldy, - deıdi Pavlodar qalasy TJ basqarmasy bastyǵynyń orynbasary azamattyq qorǵaý maıory Tilekjan Galıamov.

Barlaý júrgizý kezindegi janý belgilerin boldyrmaý maqsatynda jedel-qutqarý jasaǵynyń qyzmetkerleri polıtsııa qyzmetkeriniń qatysýymen № 1 garajdy GASI quralynyń kómegimen ashty. Jalyn saǵat 16:53-te aýyzdyqtaldy.