Pavlodarlyq orkestr Italııada óner kórsetýde

ASTANA. QazAqparat - Isa Baızaqov atyndaǵy Pavlodar oblystyq fılarmonııasynyń sımfonııalyq orkestri gastroldik týrnemen Italııanyń Perýdja qalasynda boldy, dep habarlaıdy pavlodarnews.

Bul týraly agenttikke oblystyq mádenıet, arhıvter jáne qujattama basqarmasynyń basshysy Ardaq Raıymbekov aıtty.

«Bizdiń mýzykanttar Qazaqstan Respýblıkasy men Italııa memleketiniń dıplomatııalyq qarym-qatynasynyń 25 jyldyǵyna oraı Italııanyń 22 qalasynda óner kórsetedi. Olar 2017 jyldyń 18 jeltoqsany - 2018 jyldyń 10 qańtary aralyǵynda   Rım,  Mılan, Solerno, Perýdja, Appenın aralynda kontsert bermek. Kontserttik baǵdarlamada Borodına, Chaıkovskıı, Maskanı, Verdı, Motsart, Rossını, Shtraýs,  Respıgı jáne Mendelsonnyń shyǵarmalary oryndalady, - deıdi Ardaq Raıymbekov.

Onyń aıtýynsha, gastroldik týrdy, kontsertti uıymdastyrýshy jáne dırıjerlar - professor Leonardo Kýadrını jáne QR Eńbek sińirgen qaıratkeri Bolat Rahymjanov.

19 jeltoqsanda  kontsertti Agrapoldan bastaǵan sımfonııalyq orkestr  21-23 jeltoqsan kúnderi  Mılan qalasynda, 8 qańtarda Rım qalasynda óner kórsetedi. Gastroldik is-sapar 2018 jyldyń 9 qańtarynda Salernoda aıaqtalady.