Pavlodarlyq oqytýshylar kásipkerlik negizderin úırenip jatyr
PAVLODAR. QazAqparat – Pavlodarda orta mektep, orta bilim berý mekemeleri men joǵary oqý oryndarynyń oqytýshylary «Kásipkerlik negizderi» boıynsha bilim alyp jatyr.
Jaqynda kásipkerlik negizderi boıynsha bilim alýshylardyń birinshi aǵymy oqýlaryn aıaqtady, dep habarlaıdy QazAqparat.
«Oblysta 93 muǵalim kásipkerlik negizderi boıynsha bilim alyp jatyr. Atalmysh sharany «Atameken» Ulttyq kásipkerler palatasy uıymdastyrýda, dep habarlady palatanyń Pavlodar oblystyq fılıalynyń ókilderi. «Atameken» uıymynyń habarlaýynsha, joba naryqta suranysqa ıe mamandardy daıyndaý jáne jappaı kásipkerlikti damytýǵa baǵyttalǵan. Bul sabaq «Bastaý» jobasynyń aıasynda qolǵa alynyp otyr.
Bıznes-trener, PhD doktory, Pavlodardaǵy joǵary oqý oryndarynyń biriniń Basqarý jáne saıasattaný kafedrasynyń meńgerýshisi Gúlmıra Baıandınanyń aıtýynsha, bıylǵy jyl Jastar jyly bolyp jarııalanǵany barshaǵa málim. Osy turǵydan alǵanda kásipkerlikke oqytý der kezinde qolǵa alynyp otyrǵan shara deýge bolady.
«Kásipkerlik negizderi kýrsy kásipkerlikti qalaı bastaý kerek, salyq túrleri, óńirde suranys týdyryp otyrǵan bıznes-jobalardyń marketıng negizderi sııaqty taqyryptardy qamtıdy. Oqý 36 saǵatqa negizdelgen»,-deıdi «Atameken» palatasynyń Pavlodar oblystyq fılıalynyń ókilderi.
Palatanyń málimetteri boıynsha, kásipkerlik boıynsha bilim alýshylar kýrsqa erekshe qyzyǵýshylyq tanytyp otyr. Olar jastardy qoldaýǵa baǵyttalǵan memleketik baǵdarlamalardy da erekshe yqylaspen zerdeleýde. «Atameken» uıymy mektepterdiń joǵary synyp oqýshylary men kolledjder jáne joǵary oqý oryndarynda kásipkerlikke oqytýdy jastar arasynda kásipkerler sanyn arttyrý úshin qolǵa alyp otyr.
Avtory: Anton Gagarın
