Pavlodarlyq oqýshylaryna jazda ulybrıtandyqtar aǵylshyn tilin úıretedi
PAVLODAR. QazAqparat - Bıyl jazǵy demalysta pavlodarlyq oqýshylar Ulybrıtanııa eliniń WARWIK ýnıversıtetiniń eriktilerinen aǵylshyn tili men kompıýterlik baǵdarlamalaýdy úırenedi, dep habarlaıdy pavlodarnews.kz .
Bul týraly oblystyq bilim berý basqarmasynyń orynbasary Saıan Muqanov málim etti.
- Baıanaýyl aýdanynda sheteldik mamandardy tartý arqyly mundaı shara tuńǵysh ret uıymdastyrylyp otyr. 2020 jylǵa deıin kóptildilik baǵdarlamasyn júzege asyrý maqsatynda jazǵy maýsymda mektep janynda, aýla klýbtarynda jáne qala syrtyndaǵy lagerlerde shet tilderin úıretetin 200-den astam mektep jumys isteıdi. Budan basqa, atalmysh ólkede oblystyq jáne respýblıkalyq olımpıadalardyń jeńimpazdary atanǵan 100 oqýshyǵa oqý-jattyǵý sharalary uıymdastyrylady, - deıdi S. Muqanov.
Bıyl óńirde týrıstik-ólketaný, etnomádenı, zııatkerlik, sporttyq, ekologııalyq, shyǵarmashylyq baǵytta 650 lager ashylady. Munda 88 myńnan astam oqýshy túrli demalys túrimen qamtylyp, saýyqtyrylady.
