Pavlodarlyq oqýshylar ótirik aıtýdan aryltatyn mobıldik baǵdarlama jasady
Baǵdarlamanyń avtorlary - «Bilim-ınnovatsııa» lıtseı-ınternatynyń oqýshylary Shyńǵys Rahad pen Kenesary Rınatuly Almatyda ótken «INFOMATRIX-ASIA-2019» Halyqaralyq kompıýterlik jobalar baıqaýynda kúmis medalge ıe boldy. Sondaı-aq olar Súleımen Demırel ýnıversıtetiniń 100% oqý grantyna ıe boldy.
Júldegerlerdiń jetekshisi Shyńǵys Burhannyń aıtýynsha, 11-synyp oqýshylary ázirlegen «Ádet» baǵdarlamasy jaman ádetterden arylýǵa arnalǵan.
«Qazirgi tańda shylym shegý qoǵamdaǵy ózekti máselege aınalǵany belgili. Sondyqtan Shyńǵys pen Kenesary «Innotek» komandasy bolyp, osy bir jaman ádettermen kúresýdiń jolyn usyndy. Budan basqa, ótirik aıtý, urysý, ata-anasyna qarsy sóıleý, qyzǵaný sııaqty teris ádetter qamtylǵan. ıAǵnı, uıaly telefondarǵa ornatylǵan baǵdarlama arqyly ózderiniń minez-qulqyn baqylap otyrýǵa bolady Sondaı-aq, statıstıkalyq málimetter keltiriledi», - deıdi Shyńǵys Burhan.
«Ertis daryny» óńirlik qosymsha bilim berý oqý-ádistemelik ortalyǵynyń málimetine súıensek, atalǵan baıqaýda ártúrli memleketten 400 oqýshy baq synaǵan. Jas zertteýshiler 7 nomınatsııa boıynsha óz bilimderin sarapqa saldy: matematıkalyq jobalar, robot tehnıkasy, baǵdarlamalaý, kompıýterlik grafıka men óner, basqarý júıeleri, qysqa metrajdy fılmder, drondar jarysy.
Eske sala keteıik, Shyńǵys Rahad osydan úsh jyl buryn «Sultan Súleıman» meıramhanasyna qyzmet kórsetý sapasyn jaqsartyp, tapsyrys berýdi jeńildete túsetin «E-menu» elektrondy ás mázirin jasaý týraly usynys alǵan bolatyn. Al bıyl Kenesary Rınatulymen birge aýrýdyń belgileri arqyly shaldyqqan dertin anyqtaı alatyn «Emdel» atty mobıldik qosymsha jasap shyǵardy.